Umsagnir þátttakenda eftir námskeið hjá Orka Studio!

,,Yndislegir kennarar yfirfullar af fróðleik, með endalausa þolinmæði gagnvart órólegum börnum og alltaf tilbúnar að svara öllum spurningum. Svo gott að vita að þær hugsa fyrir öllu sem við þurfum, skilja hvað líkaminn þarf eftir meðgöngu og með lítið barn og skipuleggja æfingar í samræmi við það. Mæli með við alla :) Takk fyrir mig "

,,Frábærir tímar, byrjaði rólega í grunnþjálfun en byggðist svo upp og komið gott tempó í framhaldstímunum. Svo auðvelt að skala æfingarnar / ákefðina upp eða niður eftir dagsforminu eða svefmagni hverju sinni. Líður alltaf vel þegar èg geng út! Þjálfararnir eru jákvæðar og hvetjandi, fullar af fróðleik og mæta hverri konu og taka börnin glaðar að sèr svo mömmurnar geti klárað æfinguna!"

-Sunna Reynisdóttir

,,Frábært námskeið í alla staði. Svo persónuleg og góð þjálfun. Elskaði alltaf að mæta sama í hvernig ástandi ég var og umhverfið svo stress free sem er svo mikilvægt þegar maður er með lítið barn og allt sem því fylgir. Náðuð báðar að útskýra svo vel allt sem tengist grindarbotninum, kviðvöðvum og fleira sem maður hafði aldrei pælt í áður. Svo mikilvægt að vera undir leiðsögn fagmanna þegar líkaminn er að skreppa saman og maður er að kynnast líkamanum sínum upp á nýtt. Verð líka að hrósa ykkur fyrir að vera pottþéttar, pælið einhvern veginn í öllum smáatriðum og að hafa allar upplýsingar inná Facebook groupunni❤️ Mæli með þessu námskeiði fyrir allar nýbakaðar og verðandi mæður og hlakka til að halda áfram á framhaldsnámskeiðinu" 

-Katrín Rós Gunnarsdóttir

,,Afslappað, þægilegt og heimilislegt umhverfi. Gott hvað hópurinn er ekki of stór og þetta verður því meira persónulegra. Frábærar og hnitmiðaðar æfingar sem fá mann til að veita líkamanum sínum athygli og líða vel. Mæli 100% með!"

- Auður Karlsdóttir

,,Þriðja barnið mitt en fyrsta skiptið sem ég er að heyra flest sem ég lærði á þessu námskeiði. Mikil og góð fræðsla og eftirfylgd með því hvernig á að spenna og slaka á grindarbotni. Virklega gott að fá tilsögn um líkamsstöðu í öllum á æfingum frá þessum frábæru þjálfurum."

,,Frábært námskeið og þjálfararnir eðal konur með svo mikið passion fyrir okkur, mömmunum og börnum❤️ Æfingarnar svo mikið í takt við hvar kona er stödd eftir fæðingu. Get varla beðið eftir næstu viku og framhaldsnámskeiðinu. Ótrúlega mikilvægt fyrir mömmu í orlofi að hafa fastann punkt í hverri viku og mæta í svona eðal tíma❤️💪🏻"

,,Algjörlega frábært námskeið sem fær mín bestu meðmæli. Æfingarnar voru bæði skemmtilegar og fræðandi og þið voruð virkilega góðar í að styðja okkur eftir því hvar hver og ein var stödd. Það var frábært að fá alltaf heimaæfingu og aðgang að open gym þar sem mömmulífið getur verið allskonar. Aðstaðan var virkilega notaleg svo bæði mömmum og börnum virtist líða vel."

,,Vá… ég er svo ánægð, skráði mig strax á framhaldsnámskeiðið. Ofsalega rólegt umhverfi, passlegar æfingar og frábær mórall. Hverrar krónu virði."

,,Þriðja barn og þriðja mömmuleikfimin sem ég prófa og sú allra allra besta. Guðrún og Nadia eru dásamlegar og vita alveg hvað þær eru að gera. Upplifi svo mikið öryggi og virðingu fyrir líkamanum og þeirri vegferð sem hann hefur verið í, meðganga, fæðing og endurheimt."

,,Ég er ótrúlega ánægð með þetta námskeið, enda ekki mitt fyrsta. Mér finnst ég í ótrúlega góðum höndum hjá ykkur eftir tvær erfiðar meðgöngulengd með stutt á milli og allskonar önnur stoðkerfisvandamál óháð meðgöngu. Tímarnir eru passlega langir, ákefðin er passleg svona stutt eftir meðgöngu og það besta af öllu er hvað þið eruð duglegar að hjálpa til með börnin svo við getum einbeitt okkur að æfingunni. Uppáhalds tími vikunnar þar sem ég fæ að vera ég og rækta líkama og sál ❤️"

,,Virkilega hamingjusöm að hafa tekið ákvörðun að prófa meðgöngunámskeiðið. Ég var svo sátt með tímana að ég hélt áfram að koma fram á 40 viku. Get sagt að tímarnir virkilega hjálpuðu með að líða vel á meðgöngunni, sérstaklega þar sem hún var ekki auðveld. Hjálpaði mjög hvað það verður mikil samheldni í hópnum og maður var alltaf spenntur að mæta í tíma. Hlakka til að geta haldið áfram svo í mömmutímunum nú þegar fæðing er yfirstaðin! "

- Ástrós Harpa

,,Frábært námskeið í alla staði. Nadia og Guðrún eru ótrúlega hæfar í að leiðbeina hverri og einni miðað við ástand og álag hverju sinni. Mikið stuð, góðar æfingar og mjög nytsamleg fræðsla. Finnst ég vera svo tilbúin fyrir átökin framundan. Það eru forréttindi að mæta og vera hluti af einstöku óléttuorkunni með öðrum dásamlegum verðandi mæðrum. Mæli 100% með og hlakka til að koma í mömmutímana."

- Signý Heiða

,,Frábær námskeið til þess að halda manni á hreyfingu á meðgöngu. Það var alltaf hægt að skala æfingarnar hverju sinni og leið manni alltaf vel eftir æfingar. Góð fræðsla og góður andi í tímunum. Mæli 100% með fyrir verðandi mæður." 

-Tvíbura mamma

,,Fyrir mig var námskeiðið svo ótrúlega mikilvægt og nauðsynlegt. Þegar ég varð ólétt var ég allt í einu komin í líkama sem ég þekkti ekki neitt og datt þar af leiðandi úr æfingarútínu með tilheyrandi verkjum. Var ekkert ótrúlega spennt fyrir jóganu og sundinu sem virtist vera eina sem var í boði þannig þetta var akkurat það sem mig vantaði! Námskeiðið gerði mikið fyrir mig, bæði líkamlega og andlega. Verkirnir fóru, byrjaði að þora að hreyfa mig meira og beita mér rétt og tala nú ekki um hvað ég hætti að vera jafn geðvond!"

,,Æðislegt námskeið! Ég er frekar aktív manneskja og elska hreyfingu og þetta námskeið var fullkomið fyrir mig þar sem að ég vildi fá faglega leiðlsu í hvaða æfingar væru henntugar fyrir okkur óléttu konurnar :)"

,,Svakalega valdeflandi að sjá hvað maður má gera mikið og hvað maður getur gert mikið! Sérstaklega þægilegt að gera það undir leiðsögn sjúkraþjálfara svo allt sé 100% í lagi, að maður sé að beita sér rétt. Tíminn er alltaf skemmtilegur og fljótur að líða líka."

,,Meðgönguþjálfunin ykkar er algjör lífsbjörg fyrir konu sem er hætt að vinna vegna lífbeinsverkja og grindarloss. Ég gat gert ráð fyrir líkamlegum ávinningi eftir styrktaræfingar en andlegi parturinn er það sem spilaði stærstan þátt í stóra samhenginu. Það að koma inn í hlýtt umhverfi, lítinn hóp og persónulega þjálfun gerði gæfu mun. Ég var smá búin að týna mér í búbblunni minni að reyna að styrkja mig ein heima og fara í nudd en það jafnast ekkert á við það að mæta í tímana hjá ykkur! Ómetanlegt að geta gengið einhversstaðar inn þar sem þér líður öruggri og þér er mætt í þínu dagsformi með sköluðum æfingum. Þar sem þetta er líka fyrsta meðgangan mín var svo margt nýtt og fræðslan og umræðurnar í tímunum algjör bónus. Takk takk takk fyrir mig <3"

,,Virkilega skemmtilegt og fræðandi námskeið!"

,,Fannst geggjað hvað þetta eru miklar æfingar. Var hrædd um að þetta yrði bara rólegheit. Komandi frá æfingarbakgrunn þá líður mér ekki eins og ég sé að missa of mikið úr."

,,Mjög gott námskeið og alltaf mjög gaman að mæta :)"

,,Svo frábær námskeið hjá ykkur og mig hlakkar alltaf til að mæta á æfingu alveg sama hversu mikið svefnleysið er. Umhverfið og andrúmsloftið er svo gott, engin pressa og svo fagleg þjálfun hjà ykkur. Hlakka svo til að halda áfram hjá ykkur!"